تعالو اسمعو الكلام ده قريت قبل يومين موضوع عن اخر ابحاث في مجلة الصحة والطب الإماراتية كالعاده ما عارف صدرت وين قالو اكتشفو انو الشينين اطول عمرا من السمحين والسبب شنو ؟؟
قالو لانو الزول السمح متقدر ومتطلع ولانو سمح بيكون ثقتو في نفسو كبيرة لدرجة انو ممكن يدخل في اي مغامرة عاطفية وهو متطمن انو حيكسب في النهاية وممكن يرشح نفسو لاي وظيفة خصوصا الجنس اللطيف وهن واثقات انو شكلهن حيخدمن ويفوزو ...
بيها عكس الزول الشين المسكين قصدي الكسبان هنا من خلال الابحاث لانو زول مستكين قاعد في حتتو ما بيعرض نفسو لاي مجازفات وعارف انو ما بينافس عشان كدا ما بيكون عرضه للشواكيش كتير ولا بيتابع الاعلانات للترشيح لملكات جمال العالم مثلا واقصد البنت لانها تكون عارفه تماما انها غير مذكورة هنا لا من بعيد ولا قريب ...
ونجي للشي التاني وهو الاهم انو الزول السمح بيكون معيون يعني ممكن يدوهو عين او يسحرو ويحسدو عكس الزول الشين ما في زول بيعاين ليهو خلي يتسحر وبالتالي يكون في مأمن من نكبات العين والعوارض والحسد وصدق الكلام ده اماتنا بيقولو سعد الشينة حايم وسعد السمحة نايم اها الموضوع الاساسي الجاب الكلام ده كلو انو الجماعة ديل قالو الحاجات البتحصل دي كلها للزول السمح بتجعلو عرضه للامراض وخصوصا امراض القلب وما شابهها من ضغط وغيرو وبتقصر عمرو همومو في انو عندو هاجس السن وخوفو من انو يروح جمالو وبكدا بيموت المسكين ناقص عمر بدري يعني عكس الشين اللا عندو هم الزمن يغير شكلو ولا قلق نجاح وفشل الحاجات الخاصه بالشكل بالتالي لا يتعرض للامراض السابقة الذكر ويعيش في سلام الي ان يقضي عمرو الطبيعي شفتو كيف ... كع كع كع ..
شين ودشن .. والحمد الله شناتنا طلعت بي فائده...
علي كل حال بختكم يا قارئين سطوري بطول العمر والله يكون في عوني انا ..
موضوع: الشينين بختكم والسمحين يا حليلكم ... 
الأربعاء يناير 07, 2009 3:44 pm